Gleðilegt ár kæru landsmenn og þakkir fyrir ánægjulegt samstarf  á liðnu ári.

2. des.

Málþing

Breyting hefur orðið á fyrirlestrum málþingsins þ.s. Helgi Hjörvar boðaði forföll.

Arnfríður Aðalsteinsdóttir verkefnisstjóri hjá Jafnréttisstofu hleypur í skarðið og flytur spennandi erindi um jafnréttisfræðslu í skólum og hvernig hún kemur  byggðaþróun við.

Barnajól í Ketilhúsinu

Jólahefðir ólíkra menningarheima 6.des klukkan 14-16, allir velkomnir

Samstarfsverkefni Norrænu upplýsingaskrifstofunnar, Menningarmiðstöðvarinnar í Listagili, Alþjóðahúss,
Nýbúadeildar Oddeyraskóla, Tónlistarskóla Akureyrar og
fleiri. Verkefnið er styrkt af Menningarráði Eyþings

Dagskrá Barnajóla verður aðgengileg á síðunni á föstudag.

Lesið meira hér
 

  Er grasið grænna hinum megin

 Norrænt samstarf á krepputímum

 Málþing 2. desember 2009 kl. 16:00-18:00 í Ketilhúsinu á Akureyri

Markmið með málþinginu er að skapa tækifæri til umræðu um stöðu fólks varðandi búsetuskilyrði á krepputímum.  Hverjar eru aðstæður ungs fólks. Hvaða norrænu samstarfsúrræði eru til.  Getum við lært af frændþjóðunum? Flutningur úr landi er hann jákvæður eða neikvæður fyrir þjóðfélagið?  Hvernig er að flytja heim í ríkjandi samfélagsástand.

Fyrirlesarar: 

Gestur Guðmundsson, prófessor í félagsfræði menntunar:
Norræn úrræði fyrir atvinnulaust ungt fólk.

Arnfríður Aðalsteinsdóttir, verefnisstjóri hjá Jafnréttisstofu
Jafnréttisfræðsla í skólum, hvernig kemur hún byggðaþróun við?

Soffía Gísladóttir, forstöðumaður Vinnumálastofnunar Norðurlandi eystra: 
Eru Akureyringar á förum?

Arnaldur Bárðarson, prestur við Glerárkirkju:
Á leið til Noregs. 

Brynja Harðardóttir, lýðheilsufræðingur og myndlistakona:
Heimkoma.

Fundarstjór er Sigrún Stefánsdóttir, stjórnarformaður Norrænu upplýsingskrifstofunnar

23. nóv. 2009

Menntaáætlun Nordplus

Norrænir styrkir til nágrannasamstarfs

Kynningarráðstefna á Hótel Sögu, salnum Stanford, 2. hæð

11. desember 2009 frá kl. 14:00 - 16:30

Lesið meira hér

11. nóv. 2009

Norræna upplýsingaskrifstofan tekur þátt í Alþjóðlegri athafnaviku

Norræna upplýsingaskrifstofan tekur þátt í Alþjóðlegri athafnaviku með upplýsingum um Norræna menningarsjóðinn og aðra norræna sjóði á ráðgjafatorgi í Ketilhúsinu 19. nóvember.

Alþjóðleg athafnavika á Íslandi 16.-22. nóvember 2009

Lausn vandamála felst í athafnasemi. Með Alþjóðlegri athafnaviku á Íslandi geta allir lagt hönd á plóg við að færa fram eitthvað jákvætt til samfélagsins. Þar á meðal þú!
Nú geta allir, menntastofnanir, sveitarfélög, fyrirtæki, stofnanir, félagasamtök, hópar og einstaklingar efnt til viðburðar í þeim tilgangi að virkja þjóðina til jákvæðra verka. Aðilar í stuðningsumhverfi atvinnu- og menningarlífs á Norðurlandi leggja sitt af mörkum og standa fyrir eftirfarandi dagskrá á Akureyri.

16. nóv. 2009

Nýjar hnattvæðingaráætlanir eiga að styrkja samkeppnishæfni Norðurlandanna

Norðurlöndin vinna nú að nýjum áætlunum á sviði menningar og sköpunar, heilsu og velferðar, orku- og samgöngumála, byggingageirans og rafrænna vísinda (e-science). Áætlanirnar eru á þeim sviðum sem norrænu ríkisstjórnirnar hafa ákveðið að leggja áherslu á með það að markmiði að efla starfið við að takast á við verkefni sem hnattvæðingin hefur í för með sér.

Lesið meira á www.norden.org

11. nóv. 2009

Nýr forstöðumaður Norrænu stofnunarinnar á Grænlandi/NAPA

Leise Johnsen hefur verið ráðin forstöðumaður Norrænu stofnunarinnar á Grænlandi/NAPA frá og með 15. febrúar 2010.

Lesið meira á www.norden.org

Norræn bókasafnavika 9 - 15 nóvember 2009

Þema bókasafnsvikunnar í ár er „Stríð og friður á Norðurlöndunum.“    

Lesið meira um bókasafnsvikuna hér

Fylgist með daglegum fréttum af Norðurlandaráðsþinginu á www.norden.org

Forsetinn fjallar um atvinnuleysi ungs fólks
Sinikka Bohlin forseti Norðurlandaráðs hvetur norrænu ríkisstjórnirnar í grein sem hún skrifar, til að taka meiri ábyrgð á stöðu unga fólksins á vinnumarkaði.

Lars Løkke Rasmussen: Mikilvægt að viðhalda norrænum þrýstingi á ESB
Á leiðtogafundi norrænna þingmanna og forsætisráðherra á Norðurlandaráðþingi í Stokkhólmi, ítrekaði Lars Løkke Rasmussen forsætisráðherra Dana, að Norðurlönd hafi átt þátt í að móta evrópska málefnaskrá, ekki síst í tengslum við loftslagsmál:

Blátt bann við sölu fíkniefna
Lögreglan í Kaupmannahöfn bað nýlega um undanþágu frá banni í Danmörku við sölu á fíkniefnum, til þess að stemma stigu við aukinni sölu í höfuðborginni. Viðbrögð við hugmyndinni komu alls staðar að, einnig frá öðrum ríkjum, og Svíin Hans Wallmark (m) svaraði með því að krefjast þess að Norðurlöndin yrðu fíkniefnalaust svæði. Rætt var um fíkniefnalöggjöf á Norðurlandaráðsþingi þriðjudaginn 27. október.

Forsætisráðherra Noregs vill ekki veita Íslendingum sértæka lánafyrirgreiðslu
Jens Stoltenberg, forsætisráðherra Noregs telur fjármálakreppuna og loftslagsmál vera mikilvægustu norrænu málefnin. Á leiðtogafundinum á þriðjudag ítrekaði hann mikilvægi þess að ríkisstjórnir og innri markaðurinn tækju ábyrgð á kreppunni.

Kvikmyndaverðlaun Norðurlandaráðs 2009:

Tilnefningar ársins opinberaðar Kvikmyndin The Amazing Truth About Queen Raquela hefur hlotið tilnefningu í ár til Kvikmyndaverðlauna Norðurlandaráðs. Leikstjóri og handritshöfundur er Ólafur Jóhannesson, meðhöfundur er Stefan Schaefer og framleiðendur eru þeir Ólafur og Stefan ásamt Helga Sverrissyni og Arleen Cuevas.

Lesið meira á www.norden.org

Gagnrýnar ljósmyndir af innflytjendum á Norðurlöndum

Óhefðbundin farandsýning á ljósmyndum af innflytjendum til Norðurlanda er nú á ferð um Norðurlönd. Um er að ræða ljósmyndasýningu Henrik Saxgren; Stríð og kærleikur (Krig og kærlighed), en sýningin hefur hlotið mikið lof. Sýningin er ein af lokasýningum Listasumars á Akureyri og er hingað komin á vegum Norrænu upplýsingaskrifstofunnar á Akureyri. Með framlagi frá Norræna menningarsjóðnum til verkefnisins „Nýir Norðurlandabúar í norrænu samstarfi” var unnt að senda sýninguna á milli Norrænu upplýsingaskrifstofanna sem allar eru staðsettar á landsbyggðinni hjá frændþjóðunum fimm.

Hvað gerðist á Kalø? Horfðu til baka!  

Norræna upplýsingaskrifstofan á Akureyri efnir til ritgerðarsamkeppni fyrir Kalø -fara undir yfirskriftinni ,,Lífsreynsla á Kalø.”   Með Kalø-förum er átt við ungmenni sem tóku þátt í dönskunámskeiðinu „Kan man lære dansk“ á árunum 2004-2008.   Umfjöllunarefnið er dönskunámskeið á Kalø, sú reynsla sem Kalø-farar öðluðust og lærdómurinn sem fékkst. Hverju skilaði dvölin?

Sjá nánar hér

18. ágúst

Meiri ójöfnuður í norrænu menntakerfi

Munur mælist nú meiri í norrænum menntakerfum en fyrr. Árangur nemenda ræðst sífellt meira á félagslegum þáttum og fjárhagsstöðu foreldra. Þetta kemur fram í nýrri skýrslu sem gerð var fyrir Norrænu ráðherranefndina, þar sem árangur norrænna nemenda í síðustu PISA könnun er borinn saman.

Sjá nánar á www.norden.org

30. júlí 2009

Umsóknarfrestur um lýðháskólastyrk framlengdur!

Umsóknarfrestur fyrir lýðháskólavist á Norðurlöndum skólaárið 2009 - 2010 hefur verið framlengdur. Hægt er að nálgast umsóknareyðublað á skrifstofu Norræna félagins að Óðinsgötu 7 eða fá það sent á tölvupósti.
Sjá nánar á heimasíðu NF www.norden.is

Íþróttalýðháskólar í Danmörku:

Ungmennafélag Íslands hefur gert samstarfssamning við íþróttalýðháskóla í Danmörku. Listi yfir skóla, umsóknareyðublað styrks og aðrar upplýsingar eru aðgengileg á heimasíðunni www.umfi.is

1. júlí 2009

Norræna upplysingaskrifstofan er lokuð vegna sumarfrís starfsmanns í júlí.

23. júní 2009

Jónsmessuleikur í Kjarnaskógi þriðjudaginn 23. júní kl. 18:00 - 21:00

Framandi heimar er yfirskrift árlegra Jónsmessuleika í Kjarnaskógi.  Norræna félagið á Akureyri og Norræna upplýsingaskrifstofan verða á svæðinu eins og undanfarin ár. Pylsur og "snobrød, " getraun og upplestur verða á svæðum þeirra sem eru nr. 1 og nr. 9 á korti leikanna sem afhent verður við komu í skóginn.

Skoðið kort hér

12. júní

Sýning norska listamannsins Kaare Espolin Johnson er opnunarsýning Listasumars 2009 á Akureyri.

Kaare Espolin Johnson fæddist í Surnadal í Noregi árið 1907 og lést í Osló árið 1994.

Espolin nafn Kaare, kemur frá Espihóli í Eyjafirði, en þaðan eru ættfeður hans i föðurætt.

Norður Norðmenn telja Kaare Espolin Johnson vera „sinn“ listamann. Þeir líta á hann sem fremsta túlkanda mannlífs í Norður Noregi og fremstan þeirra sem túlkað hafa lífsbaráttu þeirra í hinni stórbrotnu og á tíðum óblíðu náttúru. Mikilfenglegar myndir af fiskveiðum og fiskvinnslu við Lófóten bera vott um áhrif evrópskrar nýbylgju í málaralist millistríðsáranna (Matisse, Chagall, Cézannes).

Norski sendiherrann Margit Fredrikke Tveiten mun opna sýningu á verkum Kaare Espolin Johnson föstudaginn 19. júní, kl. 17:00 í Ketilhúsinu á Akureyri

Kynnið ykkur dagskrá í tengslum við sýningu Kaare Espolin Johnson HÉR

Sýningin er styrkt af Norræna menningarsjóðnum

11. júní

Nýtt á heimasíðu Norræna menningarsjóðsins!

Á heimasíðu Norræna menningarsjóðsins er nú hægt að nálgast yfirlit norrænna tvíhliða sjóða eða „bilaterale fonde.“  Heimasíða sjóðsins er www.nordiskkulturfond.org

Athugið að næsti umsóknarfrestur sjóðsins er 1. september!

8. júní

Finnski klarinettleikarinn Kari Kriikku fær Norrænu tónlistarverðlaunin

Finnar hreppa tónlistarverðlaun Norðurlandaráðs á þessu ári en þau fær klarinettuleikarinn Kari Kriikku. Kari Kriikku nýtur mikillar hylli á alþjóðavettvangi og er þekktur fyrir framúrskarandi tónlistarflutning og sem sendiherra nútíma tónlistar.

Lesið meira á www.norden.org

18. maí.

Ævintýri ungs fólks í Ålesund í Noregi

Fyrstu vikuna í ágúst verður haldið vinabæjamót í Ålesund í Noregi. Vinabæir Akureyrar á hinum Norðurlöndunum auk Ålesund eru Randers í Danmörku, Västerås í Svíþjóð, og Lahti í Finnlandi. Til mótsins er boðið ungu fólki á aldrinum 16-20 ára, 16 fulltrúum frá hverju landi. Að auki verða með í för 2 fararstjórar og stjórnmálamenn frá Akureyrarbæ.

Sérstaklega er leitað að fólki sem hefur tekið þátt í skapandi starfi og tómstundastarfi af einhverju tagi. Þema vinnusmiðjanna er „Hafið tengir okkur saman“. Unnið verður með eftirfarandi flokka: Ljósmyndun, neðansjávarljósmyndun, trébátinn, vatnaíþróttir, veiðiferð, allt gott sem frá hafinu kemur, veggmálun, með hafið sem skapandii uppsprettu, kórsöng (sjávarsöng) og heimildir (fréttir frá mótinu). Engin krafa er gerð um sérstaka kunnáttu, allir geta verið með. Sundkunnáttu er þó krafist vegna þátttöku í neðansjávarljósmyndun.

Lesið meira hér

13. maí

Nýr samstarfsráðherra Íslands

Katrín Jakobsdóttir menntamálaráðherra er norrænn samstarfsráðherra.

Lesið meira á www.norden.org

foto: www.norden.org

27. apríl

Áfram ókeypis menntun á Norðurlöndunum

Norrænu menntamálaráðherrarnir undirrituðu samkomulag þann 23. apríl, sem tryggir námsmönnum á Norðurlöndunum aðgang að æðri menntun í öllum aðildarríkjum Norrænu ráðherranefndarinnar. Ísland fær undanþágu frá samkomulagi sem gert er um greiðslur milli landa, en tekur þátt í samstarfinu á jafnræðisgrundvelli.

Lesið meira á www.norden.org

22.apríl

Staða forstöðumanns NAPA laus til umsóknar

Norðurlandastofnunin í Nuuk á Grænlandi, NAPA, auglýsir starf forstöðumanns frá 1. mars 2010. Umsóknir þurfa að berast fyrir 3. maí 2009.

Lesið meira á www.norden.org

20. april 2009

Norrænar sumarbúðir í Hillerød fyrir 11-14 ára börn.

Árlegar sumarbúðir Norrænu félaganna verða í Hillerød í Danmörku frá 28. júní til 5. júlí með þátttöku 90 barna frá öllum Norðurlöndunum. Boðið verður upp á spennandi kanósiglingu, ýmsar íþróttir, útivist, tónlist og skapandi smiðjur. Norræna félagið í Noregi og Norræna félagið á Akureyri greiða þátttöku tveggja barna frá Akureyri. Skilyrði er að foreldrar séu í Norræna félaginu og verður tekið tillit til fjölskylduaðstæðna við val á þátttakendum.

Skráning er í síma 462 7000 til og með 29. apríl.

Frændur okkar Norðmenn hafa selt barmmerki sem á stendur „Nordiske venner av Island“ til styrktar þátttöku íslenskra ungmenna í norrænum verkefnum. Norræna félagið á Akureyri ætlar að styrkja það sem á vantar eða 1200 NOK per barn.
Samtals fara 10 börn frá Íslandi og íslenskur fararstjóri fylgir hópnum.

Lesið meira um sumarbúðirnar hér

Þarftu að bæta dönskukunnáttuna?

Norræna upplýsingaskrifstofan og Húsið, upplýsinga- og menningarmiðstöð, bjóða upp á örnámskeið í dönsku fyrir einstaklinga sem hyggja á nám eða störf í Danmörku. Eftirmiðdagskennsla verður mánudag 27/4, miðvikudag 29/4, þriðjudagur 5/5 miðvikudag 6/5. Námskeiðsgjöld eru krónur 7.000 og 3.500 fyrir fólk án atvinnu.
Kennari er Anette Kristensen
Skráning og nánari upplýsingar eru í síma 4627000.

17. apríl 2009

Mikill áhugi á skipulagi norræna menningarsamstarfsins

Umdeildar skipulagsbreytingar í norræna menningarsamstarfinu verða til umræðu á fundi fulltrúa flestra menningar- og listgreina í dag.
dag hefst umræða norrænna þingmanna um áhrif skipulagsbreytinga í menningarsamstarfinu sem gerðar voru fyrir tveimur árum. Breytingarnar á norræna menningarsamstarfinu mættu frá upphafi andstöðu úr lista- og menningarlífinu, og þess vegna er eftirvænting og áhugi mikill fyrir opinberum umræðum um málið. Menningar- og menntamálanefnd Norðurlandaráðs stendur fyrir umræðufundinum og verður sérstaklega fjallað um upplifun og reynslu listamanna af menningarsamstarfinu: „Skipulagsbreytingarnar höfðu mikil áhrif í norrænu menningarlandslagi og nú er tímabært að hlusta á sjónarmið listamanna og starfsmanna menningargeirans um áhrifin. Við þurfum að skoða hvort ný samstarfsform og styrkjakerfi virki sem skyldi", segir Mogens Jensen formaður menningar- og menntamálanefndar Norðurlandaráðs.

Lesið meira á www.norden.org

Námsvist við alþjóðlegan menntaskóla

Auglýst er eftir umsóknum um skólavist við alþjóðlegan menntaskóla í Fjaler í Noregi. Skólinn er rekinn sameiginlega af Norðurlöndunum í tengslum við Rauða krossinn. Nám við skólann tekur tvö ár og lýkur því með viðurkenndu alþjóðlegu stúdentsprófi, International Baccalaureat Diploma (IB). Kennsla fer fram á ensku.

Íslensk stjórnvöld eiga aðild að rekstri skólans og býðst skólavist fyrir einn nemanda. Nemandi þarf sjálfur að greiða uppihaldskostnað sem nemur um það bil 45.000 norskum krónum á ári auk ferðakostnaðar. Nánari upplýsingar má finna á vef skólans: http://www.uwc.org.

Lesið meira á vef menntamálaráðuneytisins www.mrn.is

6. apríl 2009

VERÐLAUN SEM VEKJA ATHYGLI Á BÆTTRI LÝÐHEILSU Á NORÐURLÖNDUM

Norræna ráðherranefndin og Norræni lýðheilsuháskólinn veita norræn lýðheilsuverðlaun til að vekja athygli á mikilvægi aðgerða til að tryggja heilbrigði og vellíðan almennings. Þær fela í sér að bæta félagslegar, líkamlegar og andlegar aðstæður í umhverfinu, þætti sem hafa áhrif á lífsstíl svo og skipulag og vinnulag á heilbrigðisstofnunum. Norrænu lýðheilsuverðlaunin 2009 verða veitt einstaklingi, samtökum eða stofnun sem stuðlar að bættri lýðheilsu á Norðurlöndum, hvort heldur í einu landi sem er öðrum norrænum ríkjum fyrirmynd, eða í öllum ríkjunum.

Lesið meira á www.norden.org

03-04-2009

Per Petterson hlýtur Bókmenntaverðlaun Norðurlandaráðs 2009

Norski rithöfundurinn Per Petterson hlýtur Bókmenntaverðlaun
Norðurlandaráðs árið 2009 fyrir skáldsöguna "Jeg forbanner tidens elv".

Lesið meira á www.norden.org

Per Petterson
Foto: Torunn Nilsen

16. mars

Námskeið um flutning til Norðurlandanna – á Akureyri

Upplýsingaþjónustan Halló Norðurlönd
 vekur athygli á námskeiði ætluðu fólki sem hyggur á flutning til Norðurlandanna. Um er að ræða stutt námskeið þar sem farið verður yfir helstu atriði sem hafa þarf í huga við flutning, til að mynda varðandi skráningu, atvinnu og húsnæði auk þess sem þátttakendum gefst færi á að bera fram spurningar. Þjónusta Halló Norðurlanda og heimasíða verður einnig kynnt. Tímasetning: Fimmtudagur 26. mars kl. 17.00 (Námskeiðið stendur yfir í 1 – 2 klukkustundir). Staðsetning: Deiglan, Kaupvangsstræti 23 á Akureyri. Námskeiðið er ókeypis, öllum opið og hentar þeim sem hyggja á atvinnu í þessum löndum, halda þangað til náms eða annarra erindagjörða. Hafa ber í huga að nauðsynlegt er að skrá sig á námskeiðið fyrir 23. mars í síma 511 1808 eða á netfangið hallo@norden.is.

11.mars 2009

Fræðslukvöld um Grænland í tilefni hópferðar á slóðir Eiríks rauða á Suður- Grænlandi

Fræðslukvöldið verður fimmtudaginn 26. mars kl. 20:00 í kaffiteríu Amtsbókasafnsins við Brekkugötu

Á fræðslukvöldinu verða stuttar frásagnir um sögu norrænna manna á Grænlandi, um konubátinn o.fl. í menningu Inúíta og um náttúrufar svæðisins sem ferðast verður um. Þá verður sagt frá skipulagi ferðarinnar og spurningum svarað. Allir eru velkomnir á fræðslukvöldið og er aðgangur ókeypis.

Örfá sæti eru laus í ferðina, sem verður 14.-21. júlí í sumar. Ferðin er á vegum Norræna félagsins í fararstjórn Guðmundar Sigvaldasonar.

Einstakt tækifæri á sérstæðri upplifun

Nánari upplýsingar hjá Norrænu upplýsingaskrifstofunni í síma 462 7000

Norðurlandaráð og Norræna ráðherranefndin ============================================================ AFMÆLISÁR NÁTTÚRU- OG UMHVERFISVERÐLAUNA NORÐURLANDARÁÐS

Í ár verða Náttúru- og umhverfisverðlaun Norðurlandaráðs veitt í fimmtánda sinn. Verðlaunin eru 350.000 danskar krónur og í ár er þemað verkefni sem hvatt hafa Norðurlandabúa til að stunda meiri hreyfingu úti í náttúrunni.

„Náttúru- og umhverfisverðlaun Norðurlandaráðs árið 2009 verða veitt norrænu fyrirtæki, samtökum eða einstaklingi sem á einstakan hátt hefur stuðlað að góðu fordæmi við að fá fólk til að stunda útivist og sem hefur aukið skilning á mikilvægi náttúrunnar fyrir andlegt og líkamlegt heilbrigði.“  Tilnefningar skal senda til sendinefndar Dana í Norðurlandaráði fyrir kl. 12.00 föstudaginn 24. apríl 2009.

Lesið meira á www.norden.org

Nýtt skipulag menningarmála verður grandskoðað

Þingmenn frá öllum Norðurlöndunum vilja að afleiðingar endurskipulagningar menningarmála fyrir tveimur árum verði rannsakaðar. Breytingu menningarmálaráðherranna á norrænu menningarsamstarfi var frá upphafi mótmælt af norrænu lista- og menningarlífi. Nú á opinber rannsókn að fara fram til að kanna afleiðingar breytinganna.

Lesið meira á www.norden.org

9. febrúar 2009

Á slóðum Eiríks rauða á Grænlandi 14.-21. júlí í sumar

Norræna félagið Akureyri efnir til hópferðar á slóðir norrænna manna á Suður-Grænlandi í sumar. Farið verður til Bröttuhlíðar, að Görðum, til Hvalseyjarkirkju og víðar.
Einstakt tækifæri á sérstæðri upplifun.
Fræðslukvöld vegna ferðarinnar verður í mars, allir velkomnir. Það verður nánar auglýst síðar. Fararstjóri verður Guðmundur Sigvaldason.

Nánari upplýsingar hjá Norrænu upplýsingaskrifstofunni í síma 462 7000

4. febrúar 2009

Nýr samstarfsráðherra á Íslandi

Ný ríkisstjórn tók til starfa á Íslandi sunnudaginn 1. febrúar og eins og búist var við er Jóhanna Sigurðardóttir úr Samfylkingunni forsætisráðherra. Búið er að ráðstafa öðrum ráðherrastólum og verður Kolbrún Halldórsdóttir Vinstri hreyfingunni grænu framboði næsti samstarfsráðherra.  
Lesið meira á www.norden.org