Norræna félagið á hefur á undanförnum árum gengist fyrir ferðum um slóðir norrænna manna við norðanvert Atlantshaf. Tvívegis hefur verið farið til Færeyja og síðastliðið sumar var svo gengið og siglt um Eystri byggð á Grænlandi.
Sumarið 2004 hyggst félagið færa út kvíarnar og efnir nú til ferðar um Katanes á Skotlandi og svo um Orkneyjar. Flogið verður til Glasgow að morgni 3. ágúst, og haldið þaðan rakleitt norður til Orkneyja. Á Orkneyjum og Katanesi verður dvalið í viku áður en haldið verður aftur heim þann 10. ágúst.

Fararstjóri í ferðinni verður Jónas Helgason, landafræðikennari við Menntaskólann á Akureyri, en hann hefur áður stjórnað Færeyjaferðum félagsins.

Stefnt er að stuttu námskeiði um Orkneyjar og Katanes í febrúar til undirbúnings ferðarinnar.

Áætlað verð er um 80.000 krónur á mann í tveggja manna herbergi. Innifalið er flugið, allar rútuferðir, ferjur, gistingar með morgunverði, leiðsögn heimamanna og íslensk fararstjórn.

Frekari upplýsingar og nákvæm dagskrá er á vefnum http://www.simnet.is/jonashelga/Orkneyjar/Forsida.htm

Skráning hjá Norrænu upplýsingaskrifstofunni í síma 460 1462 og á netfangið mariajons@akureyri.is

========================