Þrjár bækur tilnefndar til vestnorrænu barnabókaverðlaunanna

Í sjötta sinn eru nú þrjár bækur tilnefndar til barna- og unglingabókaverðlauna Vestur-Norðurlandaráðs, þ.e. ein bók frá Færeyjum, Grænlandi og Íslandi. Bókmenntaverðlaunin eru veitt annað hvert ár og eru 60.000 danskar krónur.
Ljósmyndari Magnus Fröderberg/norden.org Kynnið ykkur tilnefndar bækur á www.norden.org

Leiðtogafundur Norðurlandanna og Eystrasaltsríkjanna í Reykjavík

Hvíta-Rússland og ESB-samstarf norrænu ríkjanna og Eystrasaltsríkjanna eru á dagskrá leiðtogafundar Norðurlandaráðs og Eystrsaltsráðins í Reykjavík fimmtudaginn 8. desember.
Fundurinn er haldin í framhaldi af fundi forsætisnefndar Norðurlandaráðs og munu fundarmenn m.a. ræða hvort fara skuli fram á árlega ESB-skýrslu frá ríkisstjórnum Norðurlanda.
Kynnið ykkur nánar hér á www.norden.org

Tilnefningar til bókmenntaverðlauna Norðurlandaráðs 2012

Dómnefnd bókmenntaverðlauna Norðurlandaráðs
hefur tilkynnt tilnefningar til bókmenntaverðlauna Ljósmyndari Johannes Jansson/norden.org
Norðurlandaráðs 2012

Frá Íslandi eru rithöfundarnir Bergsveinn Birgisson tilnefnur fyrir skáldsöguna „Svar við bréfi Helgu“ og Gerður Kristný tilnefnd fyrir ljóðabókina „ Blóðhófnir.“ Verðlaunahafi verður valinn á fundi dómnefndar í Reykjavík vorið 2012. Verðlaunin
nema 350.000 dönskum krónum. Nánari upplýsingar um tilnefnda
rithöfunda og verðlaunin á: norden.org/bokmenntaverdlaunin.

Norræni menningarsjóðurinn kynnir nýja umsóknarfresti.

Árið 2012 verða breytingar hjá Norræna menningarsjóðnum á umsóknarfresti og umsóknarupphæð. Þessar breytingar eru gerðar til að koma til móts við þá rúmlega 1200 umsækjendur sem sótt hafa um styrki til sjóðsins undanfarin ár og vænta skjótrar afgreiðslu.

Breytingarnar eru:
Sjóðurinn býður upp á fjóra árlega umsóknarfresti framvegis og verður hægt að sækja um allt að 500.000 DKK á hverjum tíma.

Umsóknarfrestir hjá Norræna menningarsjóðnum árið 2012 eru:
1. febrúar
1. apríl
1. september
1. október.

Leiðbeiningar fyrir umsækjendur á íslensku eru hér

Sameiginlegt átak á COP17 í Durban Ljósmyndari Silje Bergum Kinsten/norden.org

„The Nordic way“ er skýr og markviss samvinna Norðurlandanna á COP17, loftslagsráðstefnu Sameinuðu þjóðanna, sem haldin
verður í Durban í Suður Afríku 28. nóv.- 9. des. 2011.

Norræna ráðherranefndin tekur þátt í ráðstefnunni og mun kynna mótaðar tillögur að lausnum á loftslagsáskorununum. Nefndin mun einnig koma með dæmi um það hvernig megi höndla loftslagskreppuna.

Norrænu forsætisráðherrarnir kynntu nýlega sameiginlega stefnu að grænum hagvexti. Á ráðstefnu SÞ í Durban mun ráðherranefndin kynna norrænt frumkvæði að aðildasamstarfi auk sýningar um hagkvæmni í orkunýtingu á sveitarstjórnarstigi. Báðir viðburðirnir vísa til sameignlegs norræns átaks sem hafa það að markmiði að draga úr CO2 útblæstri með sértækum, hnitmiðuðum og þverfaglegum verkefnum fyrir sjálbæra þróun og samfélag. Lestu meira um Norrænu ráðherranefndina á COP17.

Íslensk-norræn veforðabók gefin út
ISLEX íslenskt-norrænt veforðabókarverkefni, orðabók
til birtingar á vefnum með íslensku sem grunntungumál og þýðingum á sænsku, norsku og dönsku, er orðin að veruleika og var hún formlega opnuð í dag á degi íslenskrar tungu.
                                                                               Ljósmyndari Ane Cecilie Blichfeldt
Uppflettiorð í bókinni eru 50.000.
Kynnið ykkur nánar á www.norden.org

Formennskuáætlun Norðmanna 2012

Sjálfbært velferðarríki frá norrænum sjónarhóli og framþróun þess er meginþráður í formennsku Norðmanna í Norrænu ráðherranefndinni á árinu 2012.

Norðmenn munu á formennskuárinu fjalla um viðfangsefni‚ sem blasa við norrænu velferðarríkjunum‚ hvernig við getum tekist á við þau með því að skoða gangverk velferðarríkisins og hvernig hið opinbera getur leyst verkefni sín á skilvirkari hátt. Það á einnig við um samstarf hins opinbera við aðila vinnumarkaðarins og aðra‚ þar á meðal félagasamtök‚ til að leita sameiginlegra lausna‚ sem sátt ríkir um í þjóðfélaginu.

Hér getið þið pantað eða hlaðið niður Formennskuáætlun Norðmanna 2012

Þema 2012

Náttúru- og umhverfisverðlaun Norðurlandaráðs, árið 2012, verða veitt norrænu fyrirtæki, samtökum eða einstaklingi sem hefur með góðu fordæmi og á árangursríkan hátt unnið að því að efla líffræðilega fjölbreytni í nærumhverfi sínu eða á alþjóðavettvangi og/eða aukið þekkingu almennings á þessu sviði.

Eyðublaðið er aðgengilegt HÉR

Tilnefningar skal senda inn í síðasta lagi 12. desember.

Formennskuáætlun Norðmanna 2012

Eyðublað fyrir tilnefningar til Náttúru- og umhverfisverðlauna Norðurlandaráðs 2012

Þema 2012