Snigillinn – skólanámskrá Brekkuskóla 28.8.2008

Eftirfarandi er viðmiðun um vægi hlutfalla milli þekkingarmats og símats eftir skólastigum:
Skólastig  -     Þekkingarmat  - Símat - Samtals
1.-4.bekkur         50%          50%     100%


Gefnar eru umsagnir í 1. – 3. bekk.
Að baki umsagna liggja tölur, 50/50 þekkingarmat/símat.
Umsagnir eru: Mjög gott(10-8) – gott(8-6) – viðunandi(6-4) – ábótavant(4-0).
Gefnar eru einkunnir í 4. – 10. bekk í heilum og hálfum tölum.
Að baki talna í 4. bekk liggur 50/50 þekkingarmat/símat.

Sérkennsla

“Sérkennsla felur í sér verulega breytingu á námsmarkmiðum, námsefni, námsaðstæðum og/eða kennsluaðferðum miðað við það sem öðrum nemendum á sama aldri er boðið upp á. Sérkennsla er skipulögð til lengri eða skemmri tíma eftir þörfum nemandans, jafnvel alla skólagöngu hans.
Í sérkennslu felst m.a.:
a. Gerð rökstuddrar námsáætlunar fyrir nemendahóp eða einhvern einstakling sem byggð er á upplýsingum um heildaraðstæður nemanda og á athugun og mati á stöðu hans í námi og þroska. Tilgreind skulu langtímamarkmið með kennslunni.
b. Kennsla samkvæmt námsáætlun.
c. Skipuleg skráning og regluleg endurskoðun á námsáætlun og kennslu.
Skóladeild í umboði skólanefndar lætur kanna í samvinnu við skólastjóra, skólalækni og með aðstoð sérfræðiþjónustu og annarra hlutaðeigandi aðila hvort í sveitarfélaginu séu nemendur sem vegna fötlunar eða af öðrum orsökum þurfa á sérkennslu að halda, í framhaldi af þeirri thugun fær skólinn úthlutað tímum sem ætlaðir eru til sérkennslu.

Skipulag sérkennslu við Brekkuskóla.
1. Þeir sem hafa áhrif á hvort nemendur fá sérkennslu eru t.d. forráðamenn nemanda, umsjónarkennarar, sérkennarar, námsráðgjafi, skólastjórnendur, hjúkrunarfræðingur skólans, fagráð skólans og aðrir sérfræðingar, (s.s. greiningarstöð, sálfræðingar og ráðgjafar skóladeildar).
2. a) Sérkennslumagn fer eftir heildarkvóta sem skólanum er úthlutað til sérkennslu hverju sinni.
b) Skipting sérkennslutíma milli nemenda er í höndum skólastjórnenda og fagstjóra sérkennslu í samráði við umsjónarkennara.
3. Forgangshópar í sérkennslu eru öðru jöfnu:
a) Nemendur sem víkja verulega frá jafnöldrum sínum hvað varðar eðlilegan þroska, hegðun og tilfinningalega örðugleika. Áhersla er lögð á að nemendur tengist ákveðnum bekk, þótt nám þeirra fari að einhverju leyti fram utan bekkjar.
b) Nemendur í yngstu bekkjum skólans í forvarnarskyni til þess að koma í veg fyrir örðugleika síðar á námsferlinum.
Forgangsgreinar sem sér- og stuðningskennsla er veitt í eru móðurmál og stærðfræði. Þegar um er að ræða nemendur sem víkja að verulegu leyti frá jafnöldrum sínum í námsgetu í einhverjum greinum, er samin fyrir þá einstaklingsnámskrá í samvinnu við foreldra og samþykkis þeirra leitað.
bls. 12