Lestur    

 

Lestrarverkefni fyrir byrjendur

Æfingin skapar meistarann. Þau börn sem eru sein af stað í lestri þurfa enn frekar á æfingu og stuðningi að halda en þau börn sem eiga auðvelt með lestrarnámið. Þess vegna er mjög mikilvægt að þau lesi heima daglega og/eða vinni önnur lestrarverkefni.

Æfa stafina:

Hægt að kaupa stafaspil eða búa til. Þau má nota á fjölbreyttan hátt t.d.

• æfa börnin í að segja hljóð stafanna, -vera fljót að kalla þau fram.

• spila pörunarleiki (para saman lítinn og stóran staf).

• draga staf og finna orð sem byrjar á viðkomandi staf.

• raða stöfum í orð.

• æfa sig að tengja saman tvö hljóð (tvo stafi).

 Hljóðgreiningarleikir:

Finna orð sem byrja á ákveðnum staf.

Finna orð sem enda á ákveðnum staf.

Finna orð sem hafa ákveðna stafi inni í orðinu.

Orðakeðjur, fyrsti segir orð, næsti finnur orð sem byrjar á stafnum sem fyrsta orðið endaði á o.s.frv.

 Tölvuleikir:

Stafakarlarnir

Leikver

Glói geimvera – Glói geimvera á lestrareyju

 Leikir á netinu:

Námsgagnastofnun undir krakkasíður: stafaleikur Bínu og Búa, orðakistur Krillu.

Skólavefurinn: margir góðir leikir og verkefni, þarf að kaupa aðgang.

Krækjur

Ritun:

Hvetja börnin til að skrifa sjálf. Því þegar þau fara að skrifa þurfa þau að greina orðin niður í hljóð. Allt í lagi þó það vanti stafi inn í til að byrja með, æfingin skapar meistarann og með tímanum verður hljóðritunin nákvæmari.