Skilasíða

1. Hönnun á kennsluvefjum / vefsíðugerð (2 ein.)
2. Námsumhverfi á vefnum (1/2 ein.)
3. Netsamskipti (1/2 ein.)
4. Nýting í skólastarfi (1 ein.)
5. Valið verkefni (1 ein.)

1. Hönnun á kennsluvefjum/ vefsíðugerð
1.1. Vefleiðangur minn fyrir skólastarf heitir Abstrakt og er gerður fyrir 9. bekk í grunnskóla. Hér fræðast nemendur um abstraktmyndlist og vinna abstrakt myndverk. Verkefnaskilin eru í formi fyrirlestrar þar sem nemendur útskýra verkefnin sín.

1.2.Vefleiðangur minn fyrir frístundanám heitir Gítarnám og er fyrir 10 ára börn. Hér læra krakkar undirstöðuatriði í gítarleik og er gert ráð fyrir að þeir kunni lítið þegar þeir byrja.
Bútasaumur er vefleiðangur sem ég gerði og var í upphafi ætlaður fyrir þetta verkefni en hann er fyrir eldri nemendur. Ég hafði í ekki tekið eftir því hver markhópurinn átti að vera (10 - 14 ára), en ég læt hann samt fljóta hér með.

1.3. Kennsluefni á vef. Hér er verkefnið Abstrakt á Íslandi. Ég hugsa þetta námsefni fyrir nemendur mína sem eru í verkefnavinnu og nota þessar upplýsingar í sinni upplýsingaleit um abstrakt-myndlist á Íslandi. Með tímanum kem ég til með að setja inn fleiri verkefni í þetta námsefni.

1.4.Þarfagreining. Ég skoðaði vef Háskólans á Akureyri með það é huga að finna námskeið á haustönn sem gæti komið í stað námskeið við KHÍ, en ég finn ekkert áhugavert á haustönninni þar. Síðan var mjög almenn og gaf ekki möguleika á að nálgast þær upplýsingar sem þurfti til að hægt væri að sjá hvort slíkt námskeið væri í boði í HA í haust á nýju brautinni sem nú er að hefja starfsemi sína.
Umræðuframlög mín eru á Webboard - ráðstefnuvef námskeiðsins. Í upphafi tók ég þátt í umræðum um ýmis efni í tengslum við efni staðbundinnar lotu í janúar. Í upphafi námskeiðsins sendi ég inn framlag á ráðstefnuna Lýsigögn og leit, þar sem skoðaðar voru ýmsar leitarvélar á Netinu og ráðstefnu sem heitir Að verða læs og skrifandi á nýjan miðil.

Prófun verkfæra: Ég hef prófað nokkuð margt af þeim verkfærum sem bent hefur verið á á námskeiðinu en hef ekki verið mjög dugleg að tjá mig um það á webboard þó ég hafi fylgt með í öllu því sem þar var verið að gera hverju sinni. Sumt gekk vel en annað þurfti meiri yfirlegu eins og gengur. Hér nefni ég hluta þess sem ég gerði.
Dreamweaver vefsíðugerðarforritið notaði ég til að uppfæra heimasíðuna mína sem ég hafði áður gert í FrontPage og Netscape Composer (ekki búin). Þetta var fjarkennsla undir stjórn Salvarar og stuðst við lexíur sem hún birti á til þess gerðri síðu. Af landfræðilegum ástæðum komst ég ekki á "workshop" sem sett var upp í Reykjavík til þjálfunar og leiðbeiningar í þessu forriti.
Fireworks hef ég einnig verið að læra á og prófað ýmsa hluti - takka, uppsetningar, stafi, breyta myndum o.m.fl. sem er þó ekki enn á síðunni minni en kemur þar inn þegar það er tilbúið.
Éghef þrófað mig áfram í báðum þessum forritum og reynt að bjarga mér eins og ég best hef getað, keypti bókina How to use Dreamweaver 4 og Fireworrks 4 sem hefur komið að góðum notum en þeirri vinnu er þó að sjálfsögðu ekki lokið.
PhotoShop. Í þessu forriti hef ég unnið myndir, takka og bakgrunna sem m.a. má sjá á forsíðunni minni. Þetta er mjög magnað forrit. Eins hef ég verið að skoða PaintShop Pro og þá sérstaklega með nemendur mína í huga og líst vel á það. Eins hef ég átt þess kost að prófa Corell draw og Free Hand og það eru forrit sem vert væri að eyða meiri tíma í þegar tækifæri gefst.

Ég fékk mér frítt vefsvæði á Netinu hjá geocities.com, email.com, homesite.com og freehompage.com - en efni þeirra síðna er ekki sýningarhæft hér og nú, en verður það seinna. Mér finnst mis auðvelt að vinna slíkar síður eftir svæðum, annað hvort á Netinu eða senda inn með FTP- forriti, sem flestir bjóða upp á að gert sé.
Ég náði í orðabókina Babylon, sem er hið ágætasta tæki og þægileg í notkun.
Setti teljara frá beseen.com á síðuna hjá mér. Það er auðvelt að setja hann inn með html-kóðanum. Ég prófað fleir m.a. íslenskan teljara frá teljari.is en fannst hann ekki nógu viðráðanlegur.
Gestabók er ég líka með á forsíðu frá beseen.com. Hún er álíka auðveld að setja inn og gaman að prófa þessa möguleika.
Vefráðstefnukerfi hef ég prófað einnig frá beseen.com og líkar það ágætlega og einnig hef ég skoðað og ætla að setja upp á síðunni minni ráðstefnukerfi frá Coolboard.com sem ég fann skv. ábendingu frá Kirsten.
Gagnvirknina er ég að fikra mig áfram með, gera krossapróf í Dreamweaver og hef einnig skoðað og prófað forritið Hot Potatos sem býður upp á marga möguleika, að para orð, og margt fleira - skemmtilegt forrit sem ég kem til með að nota í minni kennslu.
Annálaskrif er ég að skoða núna en er ekki búin að útfæra hvernig ég vil hafa þetta á síðunni minni. Náði loks í Blogger og er að prófa möguleikana og uppsetninguna sem bent var á í staðbundnu lotunni í maí. Mér finnst þetta frábært samskiptatæki. Er að prófa þetta kerfi á einni af fríu vefsíðunum mínum - nota þær í svona prufur og reynslutæki.
Ég vildi hafa vitað af þessari skráning fyrr því ég hef ekki skráð hjá mér allt sem ég hef skoðað.

1.5. Margt af þessu hef ég verið að prófa, en er ekki endanlega tilbúin með. Seinna set ég það á vefsíðu - fyrr en varir.

Efst á síðu

2. Námsumhverfi á Vefnum. Hér er mín áætlun um verkefni þar sem notuð er tölvu- og upplýsingatækni við verkefnavinnuna. Ég er mjög upptekin af því að koma tækninni inn í mína kennslu, nemendum mínum til hagsbóta og tilbreytni frá hefðbundinni verkefnavinnu. Það er viðmiðið í aðalnámskránni að tölvu- og upplýsingatæknin verði innleidd í allar námsgreinar í grunnskólanum. Ég hef orðið fyrir miklum áhrifum frá eWizard verkefninu og langar að takast á við eitthvað slíkt.
Umræðuframlag mitt um námsumhverfi á vefnum er á Webboard
Ég sótti ráðstefnuna UT2001og sendi inn mörg umræðuframlög um efni hennar á Webboard.

Efst á síðu

3. Netsamskipti. Hér teljast væntanlega öll mín samskipti og umræðuframlög á Webboard

Efst á síðu

4. Nýting í skólastarfi. Hér sendi ég inn umbeðinn fjölda umræðuframlaga á Webboard. Einnig sendi ég inn umræðuframlög á Evrópska skólanetið, bæði á ráðstefnuna Save og líka um eWizard. Þetta var mjög lærdómsríkt og gaman að hafa gert þetta þó það væri tímafrekt.

Einnig tók ég þátt í eigindlegu rannsóknarverkefni, þar sem ég skoðaði netnotkun fjögurra nemenda, skráði inn kóða og skilaði svo inn skýrslu um framkvæmd rannsóknarinnar.

Efst á síðu

5. Valið verkefni: Verkefnið sem ég valdi að gera er Listavefur. Þetta er hugsað sem efnisbanki fyrir mína nemendur. Margir nemendur lesa ekki erlend tungumál og geta því takmarkað sótt á Netið. Ég sé verkefnavinnuna þannig að kennarinn þurfi að útbúa gagnabanka og þetta er byrjunin hjá mér. Þetta er almennt námsefni í listasögu með vísun í söfn, listamenn og listastefnur.

Efst á síðu