Surrealisminn sýndi drauma og ofsjónir, afmyndaðai ófreskjur eða draumkenndar verur þar sem hlutir eru rifnir úr samhengi, settir niður þar sem síst skyldi og látnir leika sitt hlutverk. Þessum draumaheimi er gefinn ímynd raunveruleika í nákvæmum vinnubrögðum, þar sem hvert smáatriði er útskýrt og fær sitt hlutverk á léreftinu, með sjóndeildarhring og dularfullar eyðimerkur langt í fjarska.

Einn fremsti listamaður Surrealismans var Salvador Dali, sem hreifst af þessari uppreisn gegn raunsærri málaralist. Hann málaði myndir af draumkenndum veruleika þar sem hlutirnir eru í mörgum mismunandi hlutverkum, svífandi um sviðið. Hann málaði með nákvæmni öll smáatriði sem gefur okkur til kynna að einhver sannleikur sé i þessum óraunveruleika þar sem ávaxtaskál var um leið andlit á stúlku, auga stúlkunnar um leið skel á ströndinni og hundur um leið ávaxtaskál. Eftir Dali liggja mörg listaverk sem vert er að skoða nánar.