Gunnlaugur Scheving fæddist í Reykjavík árið 1904, en ólst upp á Seyðisfirði. Hann flutti til Reykjavíkur árið 1921 og fékk tilsögn í teikningu hjá Guðmundi Thorsteinssyni (Muggi) og einnig hjá Einari Jónssyni myndhöggvara. Hann fór utan til frekara náms til Danmerkur og nam hjá Viggo Brants á árunum 1926 - 29 og sliðustu þrjú árin einnig við Konunglega listaskólann í Kaupmannahöfn og eftir það helgaði hann sig málaralistinni. Viðfangsefnið þar sem maðurinn er við vinnu sína, hvort sem það er bóndinn, járnsmiðurinn í smiðjunni eða sjómaðurinn varð honum alla tíð mjög hugleikið. Hann vann með olíuliti, vatnsliti og gerði myndskreytingar og eru mörg verka hans í opinberri eigu. Gunnlaugur lést árið1972.