Eftir litabál og formlausn Expressionismans og krufningu Cubismans þar sem form og litir hlutbundinnar fyrirmyndar höfðu verið lsyst upp, hlaut að spretta upp ný listastefna.

Abstrakt-listin er óhlutbundin og hefur því enga sjáanlega fyrirmynd. Myndin verður því til í huga listamannsins, hanns eigið sköpunarverk í litum og formum. Abstrakt listin var fersk, höfðaði sterkt til nýrrar kynslóðar og rauf tengsl við hvers konar raunsæi.

Fyrsta vísvitandi abstraktmyndin er talin vera vatnslitamynd eftir Kandinsky (1910). Hann lýsit tildrögum hennar þannig að hann hafi veitt athygli,að mynd sem hafi verið snúið á haus og táknaði ekki neitt, hafði sérlega fallega litasamsetningu og mikinn ferskleika. Brátt lét hann hugarflugið ráða formum og litum.

Piet Mondrian hóf líka að vinna Abstrakt-myndir um svipað leiti. Hann vann myndir sínar í einföldum formum, rétthyfningum og hreinum litum, gulum, rauðum og bláum - auk svarts og hvíts, sem hann raðaði á myndflötinn með myndræn sjónarmið í huga.