Í gegn um aldirnar hefur gítar spilað stóran þátt í hugum fólks. Hvarvetna þar sem söngur og tónlist hljómar er gítarinn það hljóðfæri sem hvað mest er notað enda þægilegur í meðförum t.d. til að fara með á milli staða. Það er
gítarinn sem hljómar á mannamótum og hvarvetna þar sem fólk kemur saman til að syngja og skemmta sér.
Ótrúlega margir kunna undirstöðuatriði og grip og geta séð um undirspil og nú erum við komin saman til að bæta fleira fólki í þann hóp. Á þessu námskeiði ætla ég að kenna ykkur örlítið á þetta hljóðfæri, einföld grip og hljóma og handtökin við spilamennskuna. Gítarspil krefst
mikilla æfinga og því vil ég biðja ykkur að vera þolinmóð og dugleg að spila.
Það er mjög góð fegla að æfa sig einhverja stund á hverjum degi - við getum öll tekið okkur tíma, t.d. 1/2 klst.daglega fyrir þetta áhugamál okkar - og fáum í staðinn mikla ánægju og gleði, þegar árangur erfiðisins fer að skila sér.
Munið að æfingin skapar meistarann!

Gangi ykkur vel!

Efst á síðu

Nemendur kynnast hljóðfærinu, hvað einstakir hlutar þess heita, hvernig haldið er á gítar og slegið á strengina.

Æfum fingurna - spilum á einn streng í einu.

Lærum einföld gítargrip og hljóma sem eiga saman.

Æfum einföld lög og mismunandi áslátt

Spilum og syngjum saman og munið, að aðeins æfingin gerir ykkur góð að spila

Efst á síðu

 

Gítarinn - helstu hlutar

Fingasetning

Að taka gítargrip - útskýringar

Samhljómar

Nokkur grip

Gítarkennsla á netinu

Meiri gítarkennsla á netinu

 

Efst á síðu

Nemendur koma með gítar á námskeiðið.

Farið verður yfir og kynntir helstu hlutar hans, hvað þeir heita og til hvers þeir eru.

Nemendur þjálfa fingurna og finna hve fast þarf að þrýsta á strengina til að þeir hljómi fallega. Það þarf að æfa þetta vel og búast má við að fingurnir
verði sárir fyrst til að byrja með en smám saman myndast sigg á fingurgómana og lífið verður bærilegra.

Æfum saman hljóma og sláum í taktinn hvert grip fyrir sig og æfum okkur að skipta á milli gripa.

Verum dugleg að æfa okkur heima á milli tíma og syngjum gjarnan með.

Í lok námskeiðsins ættuð þið að geta annast undirleik í einföldum lögum og munið að æfa og æfa og æfa. Gangi ykkur vel og góða skemmtun.

Efst á síðu

Í lok námskeiðsins verður farið yfir og lagt mat á framistöðu þátttakandans og honum gefin góð ráð um áframhaldið.
Vonandi kemur þetta námskeið aðeins til með að verða fyrsta skrefið á tónlistaferli ykkar. Smám saman lærið þið og þjálfið fleiri grip og erfiðari lög
og það því kemur að þið getið séð um undirspil í hvaða lögum sem er, einföldum sem erfiðum.

Efst á síðu