Abstraktlist er ein af listastefnunum sem þróaðist í byrjun 20. aldarinnar í Evrópu og barst hingað til lands með námsmönnum sem sigldu utan til náms á byrjunaráratugum aldarinnar. Þessi þróun í myndlist þótti mörgum vera furðulegt fyrirbæri og eiga lítið skilt við list, en abstraktlistin er núna viðurkennt myndform og er listastefna sem er mikils metin af listaheiminum.

Verkefnið er ætlað unglingadeildum grunnskóla (8. - 10. bekkjum) og er unnið í myndlistatímum - bóklegi hlutinn á tölvur og verklegi hlutinn er að mála myndverk.

Til baka

Verkefni:

Kynntu þér upphaf og þróun abstraktlistar á Íslandi á 20. öldinni og gerðu um það stutta umfjöllun 2-3 bls.
- Reyndu að sjá upp úr hverju hún spannst.
- Hver er hugmyndafræðin á bak við stefnuna?
- Hverjir eru frumkvöðlar þessarar listastefnu á Íslandi, nám þeirra og áhrifavaldar?
- Helstu myndir eftir þá

Málaðu eina abstraktmynd í stærðinni A3
- Lýstu hugmyndinni að baki myndinni sem þú málaðir - formi og litum.
- Þetta er einstaklingsverkefni og ætlast er til sjálfstæðra vinnubragða við öflun heimilda og verklegrar vinnu.

Skil verkefna.
- Bóklegum hluta verkefnisins skila nemendur í formi vefsíðu
- Verklegum hluta verkefnisins - máluð myndi - skila nemendur með kynningu í myndlistatíma.

Til baka

Bjargir:

Björn Th. Björnsson. 1973. Íslensk myndlist á 19. og 20. öld. Drög að sögulegu yfirliti. II bindi. Helgafell. Reykjavík.

Gombrich E.H. 1997. Saga listarinnar. Halldór Björn Runólfsson þýddi. Mál og menning. Reykjavík.

Pischel, Gina og Þorsteinn Thorarensen. 1979. Listasaga Fjölva. Nýöld - Nútími. III.bindi. Helgafell. Reykjavík.

Smith, Edward Lucie. 1979. Nútíma Listasaga. Frá tjáafstæðu til rosaraunsæis. Þorsteinn Thorarensen þýddi. Fjölvaútgáfan. Reykjavík.

Leiðbeiningar um vefsíðugerð í Netscape Composer
eftir Guðrúnu Jónsdóttur

Til baka

Til athugunar við vefsíðugerð:

· Hugsaðu vel um uppsetningu síðunnar
· Hafðu ekki margar, stórar myndir á síðunni - þá er hún lengi að opnast.
· Hafðu textann stuttan og skýran en segðu samt allt sem þarf.
· Hafðu ekki dónaleg og særandi orð á síðunni þinni. Ef þess er ekki gætt áskilur kennari sér rétt til að setja ekki viðkomandi síðu in á vefinn.

Til baka

Ferli:

Leitaðu upplýsinga um abstraktmyndlist á Íslandi á Netinu og í öðrum fáanlegum heimildum.
Skrifaðu umfjöllun um þetta - 2 - 3 bls. - með umfjöllun um stefnuna, listamennina og verk þeirra og skilaðu inn sem vefsíðu.
Þegar þú hefur kynnt þér stefnuna og einkenni hennar gerir þú eitt myndverk - A3
Verkefnið á að sýna þróun frá skissu til fullgerðrar myndar.
Að loknu verkefninu kynnir þú öðrum nemendum myndina og lýsir hugmyndum að baki henni í formi og lit og segir í stuttu máli frá áhrifum þínum af abstraktlistinni.

Til baka

Mat:

Metin verða: Ástundun, vinnubrögð, verkefni (ritgerð og myndverk), kynning og framsetning við verkefnaskil.

Til baka

Niðurstaða:

Við vinnu þessa verkefnis átt þú að hafa fengið nokkra innsýn í abstrakt myndlist og orði nokkurs vísari um þróun stefnunnar, hugmyndafræði hennar, einstaka listamenn og myndverk unnin í þessri stefnu.
Þessi vinna verður þér vonandi hvati til frekari kynna á myndlist almennt

Til baka